Chhatrapati Shivaji Maharaj Karj Mukti Yojana

महाराष्ट्र हा कृषिप्रधान राज्य म्हणून ओळखले जाते त्यामुळे राज्यातील बहुतांश नागरिकांचा शेती हा पारंपारिक व्यवसाय आहे परंतु महाराष्ट्र राज्यातील शेतकरी आर्थिक दृष्ट्या गरीब आहेत शेतकऱ्यांना शेतीसाठी लागणारी अवजारे, खाते, बियाणे, कीटकनाशक यांसाठी मोठ्या प्रमाणावर पैशांची गरज असते परंतु शेतीसाठी लागणारी खते,बियाणे,अवजारे यांच्या दिवसेंदिवस वाढणाऱ्या किंमत हे शेतकऱ्यांना आर्थिक दृष्ट्या परवडण्यासारखे नसते  त्यामुळे शेती करण्यासाठी ते स्वतःची शेतजमीन किंवा रहाते घर साहुकाराकडे किंवा बँकेकडे गहाण ठेवून व्याजाने पैसे घेतात व रात्रंदिवस काबाड कष्ट करून शेती करतात.

परंतु अवकाळी पाऊस,दुष्काळ,वादळ,पूर,गारपीट,जनावरांमुळे पिकांचे नुकसान,कमी बाजार भाव तसेच इतर कारणामुळे शेतकऱ्यांच्या हाथा-तोंडाशी आलेल्या शेतीचे मोठे नुकसान होते व याचा शेतकऱ्यांना आर्थिक नुकसान सहन करावे लागते.व शेतजमीन व घर गहाण ठेवून घेतलेले कर्ज न फेडू शकल्यामुळे शेतकऱ्यांना त्यांच्या शेतजमिनीला व घराला मुकावे लागते व याचा धक्का सहन न करू शकल्यामुळे शेतकरी आत्महत्या करण्याचा निर्णय घेतात व स्वतःचे जीवन संपवतात. सतत च्या आपत्तीमुळे हाथा तोंडाशी आलेल्या पिकांचे नुकसान यामुळे शेतकऱ्यांना बसणारा आर्थिक फटका यामुळे राज्यातील शेतकरी शेती क्षेत्राकडे पाठ फिरवताना दिसत आहेत व याचा राज्याच्या अर्थव्यवस्थेवर मोठ्या प्रमाणावर फटका बसताना दिसत असल्याचे शासनाच्या निदर्शनास दिसून आले व शेतकरी अशा प्रकारे शेती व्यवसायाकडे पाठ फिरवत असेल तर येणाऱ्या काही काळात राज्यात अन्न धान्याचा तुटवडा निर्माण होईल हे शासनाच्या लक्षात आले.

राज्यातील शेतकऱ्याच्या या सर्व समस्यांचा विचार करून त्यांना पाठबळ देण्यासाठी तसेच त्यांचा मृत्यू रोखण्यासाठी तसेच त्यांना आर्थिक सहाय्य देण्याच्या उद्देशाने राज्य सरकारने Chhatrapati Shivaji Maharaj Yojana सुरु करण्याचा एक महत्वपूर्ण निर्णय घेतला.

योजनेचे उद्दिष्ट

• राज्यातील शेतकऱ्यांना आर्थिक सहाय्य उपलब्ध करून देण्याच्या उद्देशाने छत्रपती शिवाजी महाराज शेतकरी सन्मान योजना ची सुरुवात करण्यात आली आहे.
• राज्यातील शेतकऱ्यांच्या आत्महत्या रोखणे.
• संकट काळात शेतकऱ्यांना मदतीचा हाथ देणे.
• शेतकऱ्यांना शेतीसाठी प्रोत्साहित करणे.
• राज्यातील शेतकऱ्यांना त्यांच्या पिकांचे नुकसान झाल्यास आर्थिक पाठबळ देणे व शेतकऱ्यांच्या आत्महत्या रोखणे आहे.

योजनेचे वैशिष्ट्य:

• जे शेतकरी नियमित कर्ज फेडत आहेत त्यांना कर्जाच्या रकमेतून 25 टक्के रक्कम परत करण्यात येईल.
• महाराष्ट्र राज्यातील सुमारे 40 लाखांपेक्षा जास्त शेतकऱ्यांचा सातबारा कोरा करणारी ही कर्जमाफी ‘छत्रपती शिवाजी महाराज कृषी सन्मान योजना’ म्हणून ओळखली जाणार आहे.
• या योजनेअंतर्गत मिळणारी आर्थिक सहाय्याची राशी लाभार्थी शेतकऱ्यांच्या बँक खात्यात जमा केली जाईल.
• या योजनेअंतर्गत राज्यातील सर्व जाती-धर्मातील शेतकऱ्यांचा समावेश करण्यात आला आहे.

योजनेचे लाभार्थी:

• राज्यातील सर्व शेतकरी या योजनेचा लाभ मिळवण्यासाठी पात्र आहेत.

योजनेचा शेतकऱ्यांना होणारा फायदा:

• अवकाळी पाऊस, अतिवृष्टी, गारपीट, वादळ तसेच इतर नैसर्गिक आपत्तीमुळे शेत पिकाचे नुकसान झाल्यावर शेतकऱ्यांना झालेल्या पिकाची नुकसान भरपाई दिली जाईल व त्यांनी घेतलेले कर्ज माफ केले जाईल त्यामुळे शेतकऱ्यांच्या आत्महत्या रोखल्या जातील
• Shetkari Karj Mukti Yojana चा लाभ पीक कर्जासह मध्यम मुदतीच्या कर्जधारकांनाही होणार आहे.
• शेतकऱ्यांच्या संकट काळात सरकार शेतकऱ्यांच्या पाठीशी उभे असल्याची भावना शेतकऱ्यांच्या मनात निर्माण होईल.

आवश्यक पात्रता:

• अर्जदार शेतकरी महाराष्ट्र राज्याचा मूळ रहिवाशी असणे आवश्यक आहे.

योजनेच्या अटी व शर्ती:

• फक्त महाराष्ट्र राज्यातील शेतकरीच योजनेचा लाभ मिळवण्यासाठी पात्र आहेत.
• महाराष्ट्र राज्याच्या बाहेरील शेतकऱ्यांना या योजनेचा लाभ दिला जाणार नाही.
• कर्ज माफी साठी शेतकऱ्यांना ऑनलाईन अर्ज करणे आवश्यक आहे.
• या योजनेचा लाभ फक्त शेतकऱ्यांनाच दिला जाईल.
• अर्जदार हा शेतकरी असणे आवश्यक आहे.
• शासकीय कर्मचाऱ्यांना या योजनेचा लाभ दिला जाणार नाही.
• अर्जदार शेतकऱ्याकडे स्वतःचे बँक खाते असणे आवश्यक आहे.
• अर्जदार शेतकऱ्याचे बँक खाते आधार कार्ड सोबत लिंक असणे आवश्यक आहे.

आवश्यक कागदपत्रे:

• आधार कार्ड
• रेशन कार्ड
• रहिवाशी दाखला
• मोबाईल नंबर
• ई-मेल आयडी
• उत्पन्नाचा दाखला
• बँक खात्याचा तपशील
• जमिनीचे कागदपत्रे 7/12 व 8अ
• पासपोर्ट आकाराचे फोटो

योजनेअंतर्गत अर्ज करण्याची पद्धत:

पहिला टप्पा

• अर्जदार शेतकऱ्यास सर्वात प्रथम शासनाच्या अधिकृत वेबसाईट वर जावे लागेल.

• होम पेज वर नवीन अर्जदार नोंदणी वर क्लिक करावे लागेल.
• आता तुमच्यासमोर नवीन अर्जदार नोंदणी अर्ज उघडेल त्यामध्ये विचारलेली सर्व माहिती भरावी लागेल.

• अशा प्रकारे तुमची नवीन अर्जदार नोंदणी प्रक्रिया पूर्ण होईल.

दुसरा टप्पा

• आता तुम्हाला तुम्हाला तुमच्या Username आणि Password ने लॉगिन करावे लागेल.

• आता तुमच्यासमोर छत्रपती शिवाजी महाराज शेतकरी सन्मान योजनेचा अर्ज उघडेल त्यामध्ये विचारलेली सर्व माहिती भरावी लागेल.
• सर्व माहिती भरून झाल्यावर Save बटनावर क्लिक करावे लागेल.

• अशा प्रकारे तुमची छत्रपती शिवाजी महाराज शेतकरी सन्मान योजनेअंतर्गत अर्ज प्रक्रिया पूर्ण होईल.