Bij Bhandval Yojana

राज्यातील नागरिकांना स्वतःचा एखादा उद्योग सुरु करता यावा या उद्देशाने राज्य शासनाद्वारे बीज भांडवल योजना सुरु करण्यात आलेली आहे. या योजनेअंतर्गत राज्यातील तरुण/तरुणींना स्वतःचा उद्योग सुरु करण्यासाठी कमी व्याजदराने 5 लाखांपर्यंत कर्ज उपलब्ध करून दिले जाते.

राज्यातील बहुतांश तरुण हे सुशिक्षित आहेत परंतु त्यांना त्यांच्या शिक्षणानुसार नोकरी उपलब्ध नाही त्यामुळे तरुण बेरोजगार आहेत त्यामुळे तरुणांना नोकरीवर अवलंबून न रहाता स्वतःचा एखादा लघु उद्योग सुरु करता यावा यासाठी तरुण / तरुणींना आर्थिक मदत करून देणे आवश्यक आहे हे लक्षात घेऊन राज्य शासनाने बीज भांडवल योजना सुरु करण्याचा महत्वाचा निर्णय घेतला.

या योजनेअंतर्गत 50 हजार ते 5 लाखांपर्यंत पर्यत प्रकल्प गुंतवणूक असणाऱ्या कोणत्याही व्यवसायासाठी राष्ट्रीयकृत बँकेमार्फत कर्ज पुरवठा सवलतीच्या दराने उपलब्ध करण्यांत येतो.

बीज भांडवल योजना ही एक सरकारी योजना आहे जी बेरोजगार व्यक्तींना स्वतःचा व्यवसाय सुरू करण्यासाठी आर्थिक मदत करते. या योजनेचा लाभ घेऊन तुम्ही सेवा, उद्योग किंवा कृषी क्षेत्रात नवीन उद्यम सुरू करू शकता.

बीज भांडवल योजनेचे उद्दिष्ट

• राज्यातील तरुण/तरुणींना स्वतःचा उद्योग सुरु करण्यासाठी कर्ज उपलब्ध करून देणे.
• अनूसुचित जातीतील चर्मकार समाजातील (चर्मकार, ढोर, होलार, मोची इत्यादी) व्यक्तींना त्यांचे जीवनमान सुधारणे.
• राज्यातील बेरोजगारी कमी करणे.
• उद्योग आणि सेवा क्षेत्रात रोजगार निर्मिती करणे व उद्योग आणि सेवा क्षेत्रात रोजगार निर्मिती करणे.

योजनेचे वैशिष्ट्य:

• योजनेअंतर्गत दिली जाणारी आर्थिक सहाय्याची राशी लाभार्थ्यांच्या बँक खात्यात जमा केली जाते.

योजनेअंतर्गत दिल्या जाणाऱ्या लाभाचे स्वरुप:

• 50 हजार ते 5 लाखांपर्यंत प्रकल्प गुंतवणूक असणाऱ्या कोणत्याही व्यवसायासाठी बीज भांडवल योजनेअंतर्गत राष्ट्रीयकृत बँकेमार्फत कर्ज पुरवठा सवलतीच्या दराने उपलब्ध करण्यांत येतो.
• या योजनेअंतर्गत 50 हजार ते 5 लाखांपर्यंत कर्ज पुरवठा द.सा.द.शे. 9.5 ते 12.5 टक्के व्याज दराने बँकेमार्फत करण्यांत येतो.
• या योजनेअंतर्गत बँकेने मंजूर केलेल्या कर्ज रक्कमेपैकी 75 टक्के कर्ज रक्कम ही राष्ट्रीयकृत बँकेमार्फत देण्यात येते. 5 टक्के रक्कम ही लाभार्थ्याने स्वतःचा सहभाग म्हणून बँकेकडे जमा करावयाची असते. उर्वरित 20 टक्के रक्कम ही महामंडळ बीज कर्ज म्हणून देते. त्या रक्कमेपैकी 10,000/- रुपये अनुदान म्हणून देण्यात येते तर उर्वरित रक्कम ही 4 टक्के व्याजदराने बीज कर्ज म्हणून देण्यांत येते.

योजनेअंतर्गत दिल्या जाणाऱ्या कर्जाची परतफेड:

• या योजनेअंतर्गत मिळणाऱ्या कर्जाची परतफेड ही राष्ट्रीयकृत बँकेस व महामंडळास 36 ते 60 मासिक हप्त्यांत एकाचवेळी करावयाची असते.

योजनेचे लाभार्थी:

• अनूसुचित जातीतील चर्मकार समाजातील (चर्मकार, ढोर, होलार, मोची इत्यादी) व्यक्ती

योजनेचा फायदा:

• अर्थसहाय्य: तुम्हाला तुमच्या व्यवसायासाठी त्वरित कर्ज मिळते. कर्जाची रक्कम आणि व्याजदर तुमच्या प्रकल्पाच्या स्वरूपावर आणि तुम्ही कोणत्या वर्गातून अर्ज करत आहात यावर अवलंबून असते.
• सवलत: अनुसूचित जाती, जमाती आणि इतर मागासवर्ग (OBC) यांना कर्जावर व्याजदर सवलत मिळते.
• प्रशिक्षण: तुम्हाला तुमचा व्यवसाय कसा यशस्वीरित्या चालवायचा याबद्दल प्रशिक्षण दिले जाते.

आवश्यक पात्रता:

• अर्जदार महाराष्ट्र राज्याचा मूळ रहिवाशी असणे आवश्यक आहे.

योजनेच्या नियम व अटी:

• महाराष्ट्र राज्याच्या बाहेरील नागरिकांना या योजनेचा लाभ दिला जाणार नाही.
• अर्जदाराने कर्ज अर्ज संपूर्ण भरलेला असावा.
• अर्जदार हा अनुसूचित जातीतील चर्मकार समाजाचा असावा.
• अर्जदार महाराष्ट्राचा किमान 15 वर्षाचा रहिवासी असावा.
• अर्जदार हा महाराष्ट्र राज्याचा रहिवाशी असावा.
• शैक्षणिक पात्रता किमान 10वी उत्तीर्ण असणे आवश्यक आहे.
• अर्जदार व्यक्तीचे वय 18 वर्ष ते 50 वर्ष दरम्यान असावे.
• अर्जदाराने जो व्यवसाय निवडला असेल त्या व्यवसायाचे ज्ञान व अनुभव त्याला असावे.
• अर्जदाराच्या कुटुंबाचे वार्षिक उत्पन्न ग्रामीण भागासाठी 98,000/- रुपये व शहरी भागासाठी 1.2 लाखांपर्यंत पर्यंत असावे.
• राज्य शासन पुरस्कृत योजनांसाठी शहरी व ग्रामीण भागातील उत्पन्न मर्यादा 1 लाखांपर्यंत पर्यंत असावे.
• जातीचा व उत्पन्नाचा दाखला तहसिलदार किंवा तत्सम सक्षम प्राधिकायाने दिलेला असावा.
• अर्जदाराने या महामंडळाकडून अथवा इतर कोणत्याही शासकीय उपक्रमाकडून आर्थिक लाभ घेतलेला नसावा.
• महामंडळाने वेळोवेळी घालून दिलेल्या अटी व शर्ती अर्जदारावर बंधनकारक राहतील.
• अर्जदार व्यक्ती बँक तसेच वित्त संस्थेचा थकबाकीदार नसावा.
• महामंडळाने वेळोवेळी घालून दिलेल्‍या अटी अर्जदारास बंधनकारक राहतील.
• लाभार्थ्याला महाराष्ट्र राज्याच्या बाहेर स्वतःचा उद्योग सुरु करता येणार नाही.
• एका कुटुंबातील फक्त एकाच व्यक्तीला या योजनेचा लाभ दिला जाईल.

सूचना

• अनुसूचति जाती प्रवर्गातील मांग आणि चांभार यांना सोडुन उरवरीत प्रवर्गातील लाभार्थांना लाभ दिले जातो. उदा. महार, होलीया, बुरुड, मेहत्तर, खाटीक, घसीया इत्यादी.
• व्यवसकरीता कर्जाचे अर्ज कार्यालयातुन देण्यात येईल (Offline Application Form)
• कार्यालयाचा पत्ता :- डॉ. बाबासाहेब आंबेडकर सामाजिक न्याय भवन, जिल्हाधिकारी कार्यालयाच्या मागे, आमगाव रोड, गोंदिया- 441601, दुरध्वनी क्रमांक. 07182-232947

आवश्यक कागदपत्रे:

• आधार कार्ड
• पॅन कार्ड
• रहिवाशी दाखला (रेशनकार्ड, मतदार ओळखपत्र, आधारकार्ड, पॅन कार्ड, इलेक्ट्रीक बिल इत्यादी)
• मोबाईल नंबर
• ई-मेल आयडी
• बँक खात्याचा तपशील
• पासपोर्ट आकाराचे फोटो
• व्यवसायाच्या अनुषंगाने कागदपत्रे जसे की, मालाचे किंमतीपत्रक, आवश्यक असल्यास व्यवसायाच्या जागेचा पुरावा, गुमास्ता लायसन्स, व्यवसायानुरुप इतर कागदपत्रे वाहनाकरिता लायसन्स, गुमास्ता लायसन्स, परमिट, बॅच नंबर इत्यादी
• आवश्यकतेप्रमाणे प्रकल्प अहवाल (रु. 2.00 लाखाच्या वर)
• जातीचा दाखला
• अर्जदाराने काही तांत्रिक प्रशिक्षण घेतले असल्‍यास प्रमाणपत्राची प्रत
• अर्जदार ज्‍या जागेत व्‍यवसाय करणार आहे त्‍या जागेची भाडे पावती, करारपत्र किंवा मालकी हक्‍काचा पुरावा.
• अर्जदारास व्‍यवसायाचा पुर्वानुभव असल्‍यास त्‍याबद्दल पुरावा.
• अपंगत्वाचा दाखला (आवश्यक असल्यास)
• उत्पन्नाचा दाखला
• प्रतिज्ञापत्र

अर्ज करण्याची पध्दत:

• अर्जदाराला आपल्या क्षेत्रातील जिल्हा कार्यालयात जाऊन अर्ज घ्यावा लागेल.
• विहित नमुन्यातील अर्ज भरुन संपूर्ण कागदपत्रांसह जिल्हा कार्यालयात अर्ज सादर करावयाचा आहे.
• अशा प्रकारे या योजनेअंतर्गत अर्ज प्रक्रिया पूर्ण होईल.

महाराष्ट्रात बीज भांडवल योजनेबाबत काही महत्वाच्या गोष्टी:

• बीज भांडवल योजनेचा लाभ घेण्यासाठी, तुम्ही महाराष्ट्रात कोणताही व्यवसाय किंवा उद्योग सुरू करू शकता, जसे की सेवा उद्योग, उत्पादन उद्योग, कृषी उद्योग, खाद्यपदार्थ प्रक्रिया उद्योग, हस्तकला उद्योग, इत्यादी.
• तुम्हाला स्वतःचा व्यवसाय सुरू करण्याचा अनुभव नसल्यास तुम्ही उद्योगाचे प्रशिक्षण घेऊ शकता.
• योजनेचा लाभ घेण्यासाठी तुम्हाला तुमच्या प्रकल्पाचा अहवाल तयार करणे आवश्यक आहे.
• बँकेकडून कर्जाची मंजुरी मिळाल्यानंतर तुम्हाला वेळेवर कर्ज परतफेड करणे आवश्यक आहे.

महाराष्ट्र शासनाच्या योजना